Umat Nabi dicawisan
Di surga tujuh golongan
Kahiji budak nonoman
Getol tobat ka Pangeran
Ka dua jalma běrěhan
Shodaqoh teu ditěmbongkeun
Ka tilu nu unggal dinten
Sholat dluha didawamkeun
Opat tukang berjama’ah
Sanajan seueur kariweuh
Leungit harta henteu susah
Batan tinggal berjama’ah
Ari anu ka limana
Jalma nu ngocor cipanon
Banget isin ku Pangeran
Dosa alit ditobatan
Ari anu ka genepna
Resep ngariung ulama
Ngadangukeun piwurukna
Sangkan bagja akhěratna
Ari anu ka tujuhna
Jalma anu tara zina
Sanajan geulis ngagoda
Sieun ku siksa Naraka
